Ynglŷn â’r Ganolfan Bwnc
Pwrpas y Ganolfan Bwnc ar gyfer Daearyddiaeth a Gwyddorau’r Ddaear a’r Amgylchedd (DGDdA) yw hyrwyddo a chefnogi dysgu ac addysgu o ansawdd uchel yn nisgyblaethau daearyddiaeth, gwyddorau’r ddaear a’r amgylchedd mewn addysg uwch yn y DU (gan gynnwys addysg uwch mewn addysg bellach). Mae’r Ganolfan Bwnc DGDdA, sydd wedi’i seilio ym Mhrifysgol Plymouth, yn ganolfan genedlaethol a rhyngwladol ar gyfer cyfnewid gwybodaeth am ddysgu ac addysgu yn y tair disgyblaeth. Mae’r rhoi llais i gymunedau’r disgyblaethau ac yn cyfrannu at ymgynghoriadau llywodraeth a datblygiadau polisi. Mae maes gorchwyl y Ganolfan yn cynnwys yr holl DU ac adlewyrchir hyn yn lleoliadau ei gweithgareddau a’i digwyddiadau.
Mae natur y Ganolfan Bwnc DGDdA yn adlewyrchu natur ei disgyblaethau cyfansoddol. Mae ganddi ddull dysgu gweithredol/profiadol trwy brofiad yn ei gweithgareddau sy’n cynnwys:
- Cynadleddau
- Gweithdai adrannol
- Gweithdy blynyddol ar gyfer darlithwyr newydd
- Ariannu prosiectau
- Cronfa ddata am adnoddau ar-lein
- Cyhoeddiadau gan gynnwys ein cylchgrawn, Planet
- Cefnogi’r disgyblaethau unigol trwy Gynghorwyr Uwch sy’n seiliedig ar bynciau
- A llawer mwy, gan gynnwys gwasanaeth ymholiadau, rhestrau trafodaethau e-bost a newyddlenni.
Mae gan gydweithwyr o gymunedau’r disgyblaethau (gan gynnwys academyddion, staff cefnogi a myfyrwyr) gyfle i gymryd rhan yng ngwaith y Ganolfan ar amrywiaeth o lefelau. Mae ein dull o weithio’n gynhwysol a datblygiadol yn ein holl waith. Mae’r Ganolfan Bwnc yn fwy na dim ond ei thîm craidd. Mae’n rhwydwaith sy’n cynnwys pawb sy’n dysgu, addysgu neu’n cefnogi dysgu yn nisgyblaethau DGDdA; rydym yn dysgu o’n profiadau a phrofiadau eraill ac ymdrechwn i gadw i fyny â’r holl fentrau allweddol a newidiadau mewn addysg uwch yn y DU sy’n berthnasol i’n disgyblaethau. Nod ein holl weithgareddau yw cefnogi datblygiad proffesiynol staff a gwella dysgu i fyfyrwyr daearyddiaeth, gwyddorau’r ddaear a’r amgylchedd mewn addysg uwch yn y DU.